Daily Mail raporton se një delegacion i Al Ittihad ka udhëtuar për në Londër gjatë fundjavës për të bërë një tentim të ri për transferimin e Mohamed Salah.
Reklama
Ata kanë përgatitur një ofertë prej 250 milionë euro për Liverpoolin pasi një ofertë e mëparshme prej 180 milionë euro u refuzua të enjten e kaluar.
Ata besojnë se egjiptiani do të ishte i hapur për t’u bashkuar me ta nëse gjiganti i Ligës Premier pranon propozimin e tyre.
Jurgen Klopp këmbënguli fundjavën e kaluar se sulmuesi, i cili ka një kontratë me klubin deri në vitin 2025, nuk tregoi asnjë shenjë se dëshironte të largohej nga Anfield.
Reklama
Afati i transferimeve në Ligën e Arabisë Saudite mbyllet më 7 shtator dhe mediumi shton se Al Ittihad mund të tërhiqet të martën nëse Liverpooli nuk e pranon ofertën.
Salah do të bëhej lojtari më i pagua në botë, mirëpo nuk do të largohet nga Anfieldi nëse nuk ka miratimin e klubit
Luis Enrique u kap në një episod zemërimi teksa Paris Saint-Germaini ishte gati të shënonte një tjetër gol kundër rivalëve të mëdhenj Lyonit.
PSG po dominonte plotësisht në derbin klasik francez dhe ishte gati të shënonte golin e katërt, por trajneri spanjoll e urrente mënyrën se si portieri i tij Gianluigi Donnarumma nisi sulmin.
Luis Enrique filloi të bënte gjestikulim me inat dhe të tundte duart i dëshpëruar, më pas goditi disa kuti dhe vazhdoi të ankohej ndërsa ishte ulur.
PSG fitoi përfundimisht fitoi 4-1, por është vetëm i dyti pas Monacos në renditjen e ligës pas katër ndeshjeve.
Nën drejtimin e Luis Enrique, PSG dominon në mënyrë të parashikueshme zotërimin e topit, ndërsa qëllimi i tyre kryesor në këtë edicion është që të fitojnë Ligën e Kampionëve
Real Madridi është plot dyshime se gjyqtarët në La Liga po favorizojnë Barcelonën me vendimmarrjen e tyre, sipas asaj raporton AS.
Klubi madrilen është aq i bindur në këtë perspektivë saqë vazhdimisht shfaq çdo gabim të perceptuar të arbitrit në ndeshjet e skuadrës katalunase në kanalin e tyre televiziv zyrtar – RMTV.
Një rast i tillë ishte ndeshja kundër Osasunas që u zhvillua të dielën e javës që shkoi.
Real Madrid beson se penalltia për një faull të supozuar ndaj Robert Lewandowskit ishte skandaloze.
Ata gjithashtu kanë theksuar golin e Jules Kounde në lojë duke pretenduar se duhet të kishte pasur një faull kundër francezit për një shtytje në ngritje.
Arbnor Muja ka qenë një temë diskutimi në muajt e fundit te Përfaqësuesja e Kosovës.
Reklama
null
Sulmuesi anësorë ishte grumbulluar në ndeshjet e muajit mars nga ish-përzgjedhësi Alain Giresse, por nuk kishte luajtur asnjë minutë dhe ai u largua në drejtim të Shqipërisë.
Muja tani është grumbulluar nga kuqezinjtë dhe do të jetë në dispozicion të trajnerit Sylvinho për ndeshjet e muajit shtator.
Trajneri i Kosovës, Primoz Gliha ka folur për largimin e Mujës te Shqipëria, duke thënë se kanë tentuar ta bindin lojtarin të qëndroj, por nuk kishin asnjë mundësi t’ia ndërronin mendjen.
“Futbollistë si Muja janë shumë të rëndësishëm dhe nuk duhet t’i lëmë të na ikin, ndaj po marrim të gjitha masat, që të mos përsëriten raste të tilla”.
Reklama
“Në rastin e Mujës kemi folur me të dhe nuk kishim asnjë mundësi t’i ndryshonim mendjen”, u shpreh trajneri slloven i Kosovës.
Muja ka thënë ditë më parë se ka qenë vendim i tij personal të ndryshoj ekip kombëtar pasi nuk është ndier i vlerësuar te Dardanët dhe ka zgjedhur t’i përfaqësoj kuqezinjtë
Përfaqësuesja e Kosovës është grumbulluar për ndeshjet e muajit shtator, ku do t’i zhvilloj dy sosh.
Reklama
null
Dardanët do të ndeshen me Zvicrën më 9 shtator në Prishtinë, derisa tre ditë më vonë përballen me Rumaninë në udhëtim.
Përzgjedhësi i Kosovës, Primoz Gliha ka folur në konferencën për shtyp duke thënë se duhet të jenë gati dhe të vdesin në fushë për të marrë më të mirën.
“Ne duhet të jemi gati edhe të vdesim në fushë, pasi luajmë për ekipin kombëtar dhe për një futbollist profesionist, nuk ka gjë më të rëndësishme. Nuk luajmë për para, por për dinjitet dhe duhet ta tregojmë në fushë këtë”, ka thënë fillimisht Gliha.
Kosova ka disa mungesa të rëndësishme për ndeshjet e muajit shtator, derisa Gliha ka zbuluar se kishin në plan ta grumbullojnë edhe Lindon Emërllahun e Ballkanit, por që talenti therrandas u lëndua.
“Në futboll, ashtu si në jetë, jo çdo gjë shkon ashtu siç ne duam. Megjithatë ne nuk jemi këtu për të qarë për problemet që kemi, por për të gjetur zgjidhje, në mënyrë që të bëjmë një përfaqësim sa më dinjitoz në fushën e blertë. Tani asgjë nuk është e lehtë, pasi ne kishim në plan grumbullimin e Emërllahut, por ai u lëndua”, u shpreh Gliha.
Krejt në fund Gliha foli edhe për listën, duke treguar edhe arsyen se pse janë grumbulluar edhe disa futbollist të Kosovës U21.
Reklama
“Besoj që e keni parë listën dhe aty ka disa emra futbollistësh të rinj. Janë Lisa futbollistë që kanë qenë pjesë e Kosovës U21 dhe po përpiqemi të bashkëpunojmë, për t’i vënë sa më shpejt në dispozicion të skuadrës së parë”.
“Tani do të punojmë për të parë rezultatet në fushën e lojës. Rezultati është primar dhe në funksion të arritjes së tij, do të zgjedhim edhe futbollistët e skemën”, u shpreh trajneri slloven i Kosovës. /
Stadioni ndihmes i Vllaznise se Pozherani ne menyre recidive demolohet ne po te njejten menyre
Pra: Nuk eshte hera e pare qe ne stadionin ndihmes te Vllaznise se Pozheranit ne menyre huliganeske demolohen dyert, dritaret, zhveshtoret e qkado tjeter. Dhe ne si klub zakonisht jemi munduar ti mbulujme keto sjellje huliganeske te cilat jo vetem qe demtojne rende objektin dhe ambientet e klubit tone, por demtojne edhe imazhin e fshatit dhe te gjithe sportit ne vendin tone.
Kryesia e kf Vllaznise fton organet e rendit qe te merren seriozishte me kete fenomen (demtimin e prones publike) i cili po perseritet disa here !
Andi Zeqiri është rikthyer te Brightoni pas huazimit një vjeçar te Baseli.
Reklama
null
Megjithatë e ardhmja e sulmuesit kosovar me pasaportë zvicerane nuk pritet të jetë te kjo skuadër, pasi ai nuk bën pjesë në planet e trajnerit Roberto De Zerbi.
Përkundër se nuk arriti të largohet para datës 1 shtator nga skuadra, e ardhmja e Zeqirit vazhdon të jetë ende larg Brightonit dhe ai ka dy opsione para vetës.
Afati kalimtar për transferimin e futbollistëve vazhdon të jetë ende i hapur në disa shtete si Turqia, Belgjika e Zvicra dhe Zeqiri këto ditë vendos për të ardhmen.
Trabzonspor insistoi për transferimin e tij, por duket se Zeqiri nuk është i gatshëm për tu transferuar në Superligën e Turqisë.
Reklama
null
Kësisoj sulmuesi ferizajas pritet që karrierën ta vazhdoj në elitën e futbollit belg te skuadra e madhe KRC Genk.
Mediumi belg Voetbalprimeur ka raportuar se Zeqiri është rrugës për në Genk dhe orët e ardhshme janë vendimtare për transferimin e tij te skuadra e madhe belge
Ndeshja Los Angeles FC kundër Inter Miami të dielën mbrëma në stadiumin BMO ishte e mbushur plot me njerëz të famshëm.
Selena Gomez ishte e tronditur nga fakti se sa mirë luante futboll Lionel Messi dhe Princi Harry dukej i trullosur që më në fund ishte në gjendje ta shihte personalisht futbollistin brazilian.
Gomez, 31 vjeçe, nuk mundi t’i përmbante emocionet e saj kur Messi për pak sa nuk shënoi nga brenda zonës. Pikërisht poshtë aktores së dashur ishte reperi Tyga.
Reagimi i saj është bërë tashmë viral në rrjetet sociale.
Emra të tjerë të mëdhenj të pranishëm përfshijnë Leonardo DiCaprio, LeBron James, Tom Holland, James Harden dhe më shumë.
Inter Miami arriti të fitojë pavarësisht se Messi nuk shënoi.
Megjithatë, ai i asistoi Jordi Albas për golin e dytë të ndeshjes dhe gjeti Leonardo Campana për të mbyllur fitoren 3-1.
Inter Miami mbetet i pamposhtur në të gjitha garat që nga ardhja e Messit, gjë që ka qenë aspak një sensacion mediatik, i dëshmuar nga numri i të famshëmve të listës A që ai tërhoqi në lojën e bukur
Interi ka marrë një fitore të madhe para adhuruesve të vet, pasi ka mposhtur Fiorentinën me rezultat të thellë 4-0.
Reklama
null
Ka qenë një ndeshje e shkëlqyer nga zikaltërtit të cilët dominuan nga fillimi e deri në fund të saj, përkundër që përballë kishin një skuadër të fortë si Fiorentina.
Marcus Thuram hapi serinë e golave, derisa më vonë shënuan edhe Hakan Calhanoglu dhe Lautaro Martinez që e mbylli ndeshjen me dy gola.
Trajneri i Interit, Simone Inzaghi ka mbetur shumë i kënaqur nga paraqitja e futbollistëve të tij në këtë duel, teksa ka deklaruar se Lautaro Martinez është një lider i madh i tyre.
“Kemi pasur tre ndeshje të shkëlqyera, djemtë punojnë mirë dhe me shpirt, për klubin dhe për tifozët. Këto janë shenja të shkëlqyera, por është vetëm fillimi”.
“Doja që Thuram të gjente golin. Jam i lumtur dhe ai bëri shumë mirë si të gjithë ata që luajtën. Jam shumë i kënaqur. Duhet theksuar se Lautaro është një lider i madh”, deklaroi Inzaghi.
Inter është në krye të tabelës së bashku me Milanin me nëntë pikë të grumbulluara pas tre ndeshjeve
GAZETA SPORT 